Dansgarðurinn - Dans fyrir alla býður upp á 4 vikna námskeið í ballet og skapandi dansi fyrir fötluð börn. Öll börn meðal annars í hjólastól velkomin.

​

Námskeiðið er ætlað byrjendum í dansi á aldrinum 6 - 12 ára en við tökum einnig á móti eldri börnum sem vilja prufa. 

​

Með dansi og hreyfingu könnum við möguleika hvers og eins og leggjum áherslu á að skapa öruggt rými sem leyfir okkur að uppgötva nýja hæfileika og treysta á hæfni okkar. Við leikum okkur með ballet hreyfingu og tónlist.

Þannig þróum við líkamstjáninguna, auðgum færni, eflum jafnvægi, fín- og grófhreyfingar, samhæfingu og rýmisgreind. 

​

Við vinnum einnig með samskipti, tjáningu og samvinnu milli hvers og eins ásamt hópsins í heild.

Við þróum leiki og æfingar sem aðlagast hverjum og einum og vinnum í samvinnu við hvert barn að því að finna nýjar leiðir til að hreyfa sig og njóta hreyfingar. ​

​​

• Vornámskeið fyrir fötluð börn

  • Kennsla hefst 3. maí

  • Tímasetning: kennt er á mánudögum kl. 16:15 - 17:15

  • Tímalengd kennslustundar: 60 mín 

  • Staðsetning: Dansverkstæðið, Hjarðarhaga 47. Salur 1. 

  • Kennari námskeiðs: Alona Perepelytsia

  • Verð: 12.500 kr. 

​​​​